فتاة من غزة تسرد قصتها " اللغة العربية كانت سبب طلاقي "

تقول سارة قصتي ليست من الخيال أو من واقع آخر ، بل من غزة ، فهي تسرد لنا قصتها بأسلوبها : أنا متزوجة صرلي سنتين تزوجت عن حب بالجامعة وأنا وزوجي متفاهمين مافي بيناتنا أي مشكلة الحمد لله .

لم تنتهِ القصة بعد .. تكمل فتقول : بس المشكلة عمي أبو زوجي وحماتي تنيناتهم دارسين لغة عربية ،  وبيحكو  باللغة العربية الفصحى  ، وبدهم  إياني  أحكي متلهم ،  كل يوم  بيعملولي مشكلة ، حتى كم مرة روّحت زعلانة لعند أهلي ،  فلما عمي بيطردني  بقلي " اذهبي أيتها الهمجية المتخلفة " والله حاولت أتعلم احكي نفسهم بس مابقدر أتعلم ، وحتى صرت احصر كارتون لأنهم  بيحكو بالفصحى .

تكمل سارة مأساتها الظريفة : يعني إذا بدو مني ميّ بقلي  : "أَتيني بكأس ماء بارد يا سارة لكي أروي عطشي " ، فمرات تجيني الضحكة والله ، وحماتي اذا شافت شغلة ناقصة بتضل تعد وتصفلي باللغة العربية الفصحى  بتقلي : " أيتها القذرة الساعه الآن العاشرة و أنتِ لم تجلي الصحون " ،  ولما صرت أشكي لزوجي صار يقولي اتعلمي احكي متلنا حتى تخلصي من هاي المشاكل ، وأنا مليت والله ،  وهم كل يوم  مشكلة بسبب هدا الموضوع .